VËSHTRIM MBI VEPRIMTARINË POLITIKE TË SHEFQET VËRLACIT

Abstrakti

Tashmë është e njohur se Shefqet Vërlaci ka qenë një nga figurat më të rëndësishme politike, shoqërore dhe ndër pronarët më të mëdhenj të trevës së Elbasanit, madje dhe në shkallë kombëtare gjatë periudhës 1912-1943. Megjithatë, ndonëse është njohur sadopak veprimtaria dhe roli historiko-politik e shoqëror i kësaj figure në proceset e zhvillimeve politike shqiptare, nuk është bërë objekt studimi i posaçëm nga që gjatë periudhës së monizmit Shefqet Vërlaci është konsideruar bashkëpunëtor i fashizmit dhe tradhtar i vendit. Edhe në rastet kur është përmendur ai dhe veprimtaria e tij është paraqitur e shtrembëruar, madje është paragjykuar duke e vlerësuar me njëanshmëri si figurë negative.