LIDHJA SHQIPTARE E PRIZRENIT SIPAS KONSUJVE FRANCEZË NË SHKODËR (1878-1881)

Abstrakti

Gjatë periudhës së Lidhjes Shqiptare të Prizrenit, si rezultat i zhvillimit të ngjarjeve shumë të mprehta në skenën politike dhe ushtarake të trojeve shqiptare dhe si rezultat i raportit të forcave në arenën ndërkombëtare, shtohet gjithnjë e më shumë interesimi i Fuqive të Mëdha dhe i përfaqësuesve të tyre diplomatik por edhe ushtarak, ndaj ngjarjeve që zhvilloheshin në trojet shqiptare e të cilat bënin përpjekje dhe luftë të pa kompromis për çlirimin nga zgjedha osmane në një anë dhe luftë kundër synimeve grabitqare të shteteve fqinje në anën tjetër.