QËNDRIMI I KONSUJVE ANGLEZË NË PRIZREN DHE SHKODËR NDAJ LIDHJES SHQIPTARE TË PRIZRENIT

Abstrakti

Vitet 70 të shek. XIX shënojnë një periudhë të ndryshimeve të mëdha në konfiguracionin politik, ushtarak e strategjik dhe balancën e forcave në Evropë. Gjermania pas bashkimit të saj e kishte vënë në pikëpyetje forcën dominuese koloniale të Anglisë dhe Francës. Edhe Rusia shfrytëzonte çdo mundësi për të realizuar politikën koloniale dhe për të qenë fuqi e pakontestueshme në politikën e saj të jashtme. Austro-Hungaria nga ana e saj rivalizonte me Fuqitë e tjera, sidomos për Ballkanin. Kurse Italia e cila së voni kishte realizuar bashkimin kombëtar gjithnjë e më tepër përpiqej të jetë faktor vendimmarrës në politikën e shteteve, të cilat përbënin grupin e Fuqive të Mëdha.