ZHVILLIMET KULTURORE NË SHQIPËRI NË VITET ‘30 TË SHEK. XX

Abstrakti

Tema e sotme për përvjetorin e Mbretërisë Shqiptare me në krye Ahmet bej Zogun, burrë i shquar shteti me prejardhjen atdhetare familjare në udhën e përpjekjeve për atdhe, si luftëtar i vendosur trimëror për liri, ministër, deputet, kryeministër, president, dhe përherë politikan aktiv, na bën të vështrojmë me vëmendje edhe zhvillimet kulturore të kësaj periudhe. Kulturën që do të mbillte dituri përparimtare në mendjet e njerëzve dhe vetëm paqe, solidaritet e stabilitet në zemrat e tyre, që shqiptarët dhe vendi i tyre të ecin gjithnjë e më përpara.