Një vështrim i përgjithshëm i kontributit të vakëfeve te medresetë në Shqipëri gjatë periudhës osmane

Abstrakti

Medresetë ishin institucionet më të larta arsimore në Perandorinë
Osmane. Me gjithë ndryshimet që pësuan si në aspektin strukturor,
ashtu edhe në atë arsimor e pedagogjik, medresetë e gëzuan këtë
status deri në fundin e shek. XIX. Si pjesë e perandorisë, edhe në
hapësirën shqiptare vërejmë një prezencë të këtyre institucioneve
arsimore, të cilat i hasim kryesisht në qendrat e mëdha urbane siç qe
Berati, Elbasani, Gjirokastra, Tirana, Shkodra etj. Në këtë artikull do
të përpiqemi të nxjerrim një hartë të pranisë së medreseve në Shqipëri
gjatë periudhës osmane, elementët dallues të tyre si dhe kontributin e
vakëfeve në ndërtimin, mirëmbajtjen dhe funksionimin e medreseve në
këtë hapësirë përgjatë shekujve.