ULJA E TENSIONIT MIDIS GREQISË DHE SHQIPËRISË PAS VENDIMIT TË GJYKATËS SË HAGËS PËR SHKOLLAT E MINORITETIT GREK

Abstrakti

Vendimi i qeverisë shqiptare për shtetëzimin e të gjithë shkollave private në Shqipëri në vitin 1934 preku, pos të tjerash, edhe shkollat private të minoritetit grek. Minoriteti dhe qeveria greke e kundërshtuan këtë vendim dhe çështja u mor në shqyrtim nga Këshilli i Lidhjes së Kombeve i cili vendosi që, rreth masave që kishte marrë qeveria shqiptare, të jepte më parë një mendim konsultativ Gjykata Ndër-kombëtare e Drejtësisë në Hagë. Gjykata, me shumicë votash dha opinionin se Shqipëria nuk kishte të drejtë t’i mbyllte shkollat private të minoritetit grek. Vendimi i saj u bë i njohur publikisht në ditët e para të prillit 1935. Ky artikull paraqet situatën që ekzistonte midis qeverisë shqiptare dhe minoritetit grek në muaj e parë pas vendimit të Hagës deri në fundin e verës së vitit 1935 kur qeveria shqiptare deklaroi zyrtarisht se do ta zbatonte këtë vendim.