VARËSIA E MBIJETESЁS EKONOMIKE TЁ SHQIPЁRISЁ NGA NDIHMAT DHE KREDITЁ E KAMPIT SOCIALIST DHE TЁ REPUBLIKЁS POPULLORE TЁ KINЁS 1956-1962

Abstrakti

Viti 1956 shënon një tjetër afrim të marrëdhënieve të Republikёs Popullore të Shqipёrisё [mё tej: RPSH] me Republikёn Popullore të Kinёs [mё tej: RPK]. Pas Kongresit XX të Partisë Komuniste të Bashkimit Sovjetik, Enver Hoxha do të fillonte të kthente sytë përherë e më tepër nga RPK e Mao Ce Dunit. Kina nga ana e saj po shikonte tek Shqipëria një urë të rëndësishme në Evropë. Pas konferencës së Gjenevës të vitit 1954, Shtetet e Bashkuara të Amerikës kishin thelluar izolimin ndërkombëtar të RPK-sё. Nga ana e tij, Enver Hoxha i kishte mbijetuar politikisht Konferencës së Partisë të Tiranës, të prillit 1956.