KOMUNITETI MYSLIMAN SHQIPTAR NË VITET E LUFTËS SË DYTË BOTËRORE (1939-1944)

Abstrakti

Pushtimi italian krijoi rrethana të reja për Komunitetin Mysliman Shqiptar (KMSh) dhe myslimanët shqiptarë. Për interesat e luftës dhe për të mbrojtur zotërimet koloniale franceze në Afrikën Veriore, Franca vuri në përdorim kartën e myslimanizmit. Shtypi dhe radiot parisiene filluan një fushatë intensive antiitaliane drejtuar vendeve myslimane. Propaganda e tyre e paraqiste pushtimin e Shqipërisë si një përpjekje për të zhdukur të vetmin vend mysliman në Europë dhe fashizmin si një kërcënim për botën islame. Propaganda italiane u përpoq ta kundërgodiste këtë fushatë.