DISA TË DHËNA MBI ROLIN DHE TË DREJTAT E GRUAS NË SHQIPËRI GJATË SHEKUJVE XVII-XVIII

Abstrakti

Gruaja dhe roli i saj në jetën familjare e atë shoqërore ka qenë vazhdimisht objekt diskutimi e hulumtimi. Por, duhet theksuar fakti që studimet e kryera në lidhje me këtë fushë kanë qenë relativisht të pakta.1 Pra, mund të thuhet se me studimet e deritanishme është e pamundur të përcaktohet pozicioni i saktë i gruas dhe kontributit të saj në historinë e njerëzimit. Nga ana tjetër duhet theksuar se në dekadat e fundit vihet re një rritje në hulumtimet për të drejtat e gruas dhe sfidat me të cilat ajo përballet në kohët moderne. Sot, me zhvillimin e disiplinave dhe metodologjive të ndryshme shkencore dhe me shtimin e literaturës në lidhje me këtë çështje, mund të thuhet se studiuesit e kanë më të lehtë të arrijnë në disa përfundime mbi këtë temë të rëndësishme.