ÇËSHTJA ÇAME NË KOMISIONIN HETIMOR TË ORGANIZATËS SË KOMBEVE TË BASHKUARA

Abstrakti

Çështjet apo problematikat e minoriteteve kombëtare, si rregull, nuk ishin pjesë e diskutimeve të forumeve ndërkombëtare të pas Luftës së Dytë Botërore. Dimri i vitit 1946-1947 ishte një nga rastet e pakta të ngritjes së problemit mbi trajtimin e minoriteteve nga Greqia dhe, në këtë kuadër, të diskutohej edhe çështja e trajtimit çnjerëzor nga ana e saj, e popullsisë shqiptare të Çamërisë. Qëllimi i këtij prezantimi të shkurtër është të analizojë rrethanat e ngritjes së kësaj çështjeje.