ÇËSHTJA E KOSOVËS DHE DIPLOMACIA NDËRKOMBËTARE (1991-1999): NJË KONFLIKT I PARASHIKUESHËM

Abstrakti

Që prej momentit të shpërbërjes së Jugosllavisë një sërë parimesh dhe normash që konsiderohen të rëndësishme për ruajtjen e rendit ndërkombëtar dhe paqen rajonale duket se kanë ndikuar politikat e ndjekura dhe masat e aplikuara nga diplomacia ndërkombëtare ndaj çështjes dhe më vonë pavarësisë së Kosovës. Shkaqet e brendshme të konfliktit duket se janë lënë në plan të dytë në kuptimin dhe trajtimin e rastit të Kosovës. Zgjidhjet e ofruara nga diplomacia ndërkombëtare për shpërbërjen e Jugosllavisë të frymëzuar nga parimi ndërkombëtar i uti possidetis dhe parimi i sovranitetit territorial u sfiduan nga konflikti për vetëvendosje në Kosovë.