MARRËDHËNIET E TENSIONUARA TË MBRETËRISË SHQIPTARE ME REPUBLIKËN TURKE (1928-1933)

Abstrakti

Marrëdhëniet e tensionuara shqiptaro-turke në vitet e para të shpalljes së Monarkisë deri më sot janë trajtuar përciptazi në historiografinë shqiptare. Edhe disa autorë që kanë patur rastin dhe janë përpjekur t`i marrin në shqyrtim këto raporte, nuk i kanë shpëtuar paragjykimeve dhe kufizimeve ideologjike të kohës. Si rezultat, është arritur në konkluzione të njëanshme, duke fajësuar kryesisht vetëm Ahmet Zogun.
Duke u nisur nga kjo qasje e deritanishme, në bazë të dokumentacionit dhe burimeve relevante të kohës, më poshtë jemi përpjekur të hedhim një vështrim ndryshe, me qëllim për të evidentuar shkaqet e vërteta që çuan në tensionimin e këtyre marrëdhënieve, si dhe optikën e diplomacisë dhe të diplomatëve të huaj mbi këtë çështje.