DISA ASPEKTE STUDIMORE MBI SULIN DHE SULJOTËT

Abstrakti

Rruga për në malet e pakalueshme të Sulit, pra aty ku dikur u ndërtua epopeja e famshme e valles së vdekjes të suljotëve, edhe pse në një lartësi mbi 1200 metra mbi det, duket se nuk është vështirë për t’u gjetur. Mjafton që çdo kalimtar i rastit të ndjekë me kujdes rrugën kombëtare, e cila lidh qytezën e re joniane, Gumenicën me kryeqendrën e Greqisë, Athinën nëpërmjet Paramithisë. Si bazë orientimi për të marrë rrugën e Sulit është fshati Gliqi. Në pjesën lindore të këtij fshati gjendet ura, nën të cilën kalon lumi Aheron, që e ndan prefekturën e Çamërisë nga ajo e Prevezës.