ÇËSHTJA E SHËN NAUMIT: DOKUMENTE AMERIKANE – RAPORTE TË LEGATËS SË SHTETEVE TË BASHKUARA TË AMERIKËS NGA BEOGRADI E TIRANA LIDHUR ME MARRËVESHJEN SHQIPTARO-SERBE TË VITIT 1925 PËR SHËN NAUMIN

Abstrakti

Pavarësisht nga vendimi i Konferencës së Ambasadorëve të Fuqive, i 6
dhjetorit 1922, i konfirmuar nga vendimi këshillimdhënës i Gjykatës së
Përhershme të drejtësisë ndërkombëtare në hagë, që përcaktonte më 4 shtator
1924, se Manastiri i Shën Naumit i takonte Shqipërisë, Tirana zyrtare më 18
korrik të vitit 1925, me vendim të parlamentit (42 vota pro e 9 kundër) ia
lëshoi këtë vend Mbretërisë Serbo-Kroato-Sllovene duke argumentuar ndër të
tjera me kompensim territorial dhe përfitime të tjera. Përfaqësuesit diplomatikë
të SHBA në Beograd dhe Tiranë i relatojnë qendrës së tyre në Uashington
për këtë çështje. Më poshtë po botojmë korrespondencën që ka të bëjë me
çështjen e sipërpërmendur dhe me raportet shqiptaro-jugosllave gjatë viteve
1925-1926.