IMPLIKIMET E SHTETIT SHQIPTAR NË LUFTËN CIVILE NË GREQI 1946-1949

Abstrakti

Pas Luftës së Dytë Botërore (LDB), për strukturat politike të shtetit shqiptar ruajtja e pavarësisë dhe integritetit territorial të vendit ishin detyra prioritare. Konferenca e Jaltës, në shkurt 1945, nuk kishte marrë vendime të posaçme për Shqipërinë, gjë që linte të kuptohej se statusi i saj politik dhe kufijtë e saj ishin akoma çështje të negociueshme. Edhe një Traktat Miqësie dhe Ndihme Reciproke midis Shqipërisë dhe Jugosllavisë, i nënshkruar nga vetë Josip Broz Tito në shkurt 1945 (në fakt dhjetor 1944) ishte anuluar nga Stalini, si i parakohshëm. Marrëdhëniet me ish Aleatët e Mëdhenj të Luftës ishin afektuar nga ngjyrimet politike përkatëse.