SHTRIRJA E KRYENGRITJES SHQIPTARE KUNDËROSMANE E VITIT 1912 NË VILAJETIN E MANASTIRIT

Abstrakti

Përgatitjet për fillimin e kryengritjes shqiptare kundërosmane, kishin filluar që në dimrin e vitit 1911-1912. Shqiptarët në Kosovë asokohe kishin filluar të punonin, veç tjerash, edhe për formimin e një Komiteti të kryengritjes, i cili do të drejtonte organizimin dhe zhvillimin e saj. Ideja për një kryengritje kombëtare kundërosmane gjeti mbështetje edhe ndër shqiptarët e vilajetit të Manastirit. Më 20 janar të vitit 1912, qe organizuar një miting në Dibër, në të cilin u shtrua kërkesa që po ato të drejta që iu njiheshin malësorëve, me marrëveshjen e Podgoricës (2 gusht 1911), të iu njiheshin edhe popullatës së krahinës së Dibrës. Vendimet e këtij kuvendi iu dërguan edhe deputetëve shqiptarë, në Stamboll, për informim.