PERCEPTIMI I PERANDORISË OSMANE DHE I EUROPËS NË DOKTRINËN NACIONALISTE SHQIPTARE

Abstrakti

Nacionalizmi shqiptar është një nga fenomenet ballkanike më interesante të shek. XIX. Dhe kjo për faktin se shqiptarët janë i vetmi popull ballkanik që në shekullin e nacionalizmit nuk e ndjenë nga pas mbështetjen konstante të një fuqie të madhe të kohës. Konvertimi masiv i shqiptarëve në Islam fillimisht u garantoi atyre integrim të plotë në strukturat e Perandorisë Osmane, kurse në shek. XIX dëshmoi se kishte krijuar një realitet që po punonte në disfavor të interesave të tyre kombëtare.