NGA PERANDORIA OSMANE NE SHTETIN SHQIPTAR: DISA ASPEKTE TË TRASHËGIMISË DHE TË NDËRPRERJES SË TRASHËGIMISË OSMANE

Abstrakti

28 Nëntori i vitit 1912 edhe sot e kësaj dite shënon ngjarjen më kulmore në historinë moderne të shqiptarëve. Më së fundi u finalizua një lëvizje që kishte filluar qysh afro një shekull më parë, e cila si ambicie finale të saj kishte Shpalljen e Pavarësisë dhe ngritjen e shtetit kombëtar shqiptar në Ballkan; por, ndërsa ngritja e flamurit kombëtar shënoi shkëputjen dhe pavarësimin politik të shqiptarëve nga Perandoria Osmane, në të vërtetë e njëjta gjë nuk mund të thuhet për shuarjen e kontakteve me shtetin osman dhe aq më tepër për këputjen e të gjitha fijeve me atë realitet që, që nga ky moment e më pas, fillon të quhet: trashëgimia osmane.