KRYENGRITJET SHQIPTARE KUNDËROSMANE TË VITEVE 1910-1912 DHE KOMITETI BALLKANIK I LONDRËS

Abstrakti

Kur Turqit e Rinj ngritën flamurin e Revolucionit në korrik 1908, nën parullën “Liri, barazi, vëllazëri”, ata nuk patën përkrahës më të zjarrtë sesa shqiptarët. Ndonëse arsyet e mbështetjes ishin të shumëllojshme dhe me ndryshime themelore mes tyre, shqiptarët e mirëpritën rivendosjen e Kushtetutës Osmane, duke e parë, disa si mbrojtëse të traditave, të tjerë si prelud të autonomisë kulturore e politike.