LUFTA E PËRMETIT. DJEGIA DHE PASOJAT (KORRIK 1943)

Abstrakti

Në këtë artkull, jam përpjekur të paraqes shkaqet e djegies së qyteteve Përmet dhe Këlcyrë, në korrik të vitit 1943, prej forcave ushtarake italiane, pasojat që rrodhën nga djegia e tyre, si dhe debatet e zhvilluara midis forcave politike të kohës, për mënyrën e veprimit. Në mesin e vitit 1943, rezistenca antiitaliane ishte rritur, për pasojë, pushtuesi kishte intensifikuar dhunën ndaj popullit, si mjeti i vetëm për nënshtrimin e tij. Ndërkohë, forcat në radhët e Frontit Antifashist ishin shtuar dhe midis partive politike shqiptare bëheshin përpjekje për bashkim në një front të vetëm. Besoj, që me këtë trajtesë, ndonëse e rrafshit lokal dhe në kornizat e një artikulli, bazuar kryesisht në dokumente arkivore, mund t’i shërbejë sado pak historiografisë shqiptare, pasi rreth këtij problemi trajtesat kanë qenë të cunguara.